බබා පිරිමි නම් තෑග්ගක් දෙන
අවුරුදු දහයකින් පිරිමි දරුවෙක් ඉපදිලා නැති පෝලන්ත ගම
දකුණු දිග පෝලන්තයේ miejsce odrzańskie නම් කුඩා ගමක් පිළිබඳ විදෙස් මාධ්ය මේ දිනවල විශේෂයෙන් තොරතුරු වාර්තා කර තිබේ.ඒ දශකයකට ආසන්න කාලයක් තිස්සේ එකම පිරිමි දරුවකු හෝ ඉපදී නැතිවීම නිසාය.එබැවින් එහි ගම්අධිපතිවරයා
වන රජ්මුන්ඩි ෆිචිනෝ අලුත විවාහවන යුවළ වෙත දැනුම් දී ඇත්තේ පිරිමි දරුවකු උපත ලදහොත් පුදුමය දනවන ත්යාගයක් ලබාදෙන බවය.
‘‘මම දන්නවා මේ තත්ත්වය තරමක් අසාමාන්යයි. ඇයි එහෙම වෙන්නේ කියලා අපි හොයලා බලන්න ඕන. මගේ පැත්තෙන් මම තීරණය කළා පිරිමි දරුවෙක් උපදින යුවළකට ත්යාගයක් පිරිනමන්න. ඒ ත්යාගය ඉතාමත් වටින එකක් වේවි අපි තවදුරටත් ඒ පිළිබඳව සොයා බැලුවෙමු, උප්පැන්න සහතික සමාලෝචනය කළෙමු. නමුත් මෙයට හේතුවක් හිතාගන්නට බැහැ' ඔහු කියා ඇත.
එම ප්රකාශය කළ ගම්අධිපතිවරයාට සිටින්නේ ගැහැණු දරුවන් දෙදෙනෙකි.
මෙම ගමේ ජනගහණය 272 ක් වන අතර පසුගිය දස වසර තුළ අවසානයට ඉපැදුණ 12 දෙනාම ගැහැණු දරුවන්ය.
සමහර ගම්වැසියන් සිතන්නේ මෙම විෂමතාවය අහම්බයක් පමණක් වන බවත් එය ටික කලක් යන විට වෙනස් විය හැකි බවත්ය.
ගැහැනු ළමයින් දෙදෙනෙකුගේ පියෙකු වන ගම් අධිපතිවරයා කියා සිටියේ තමා මේ කාරණය හාරා බැලූ බවත් පිරිමි ළමයින් සැමවිටම නගරයේ සිටින බවයි.
දරු උපතකදී ස්ත්රී පුරුෂ භාවය තීරණය කරනු ලබන්නේ ආරම්භයේදීම, පිරිමි ශුක්රාණු විසිනි. එක්ස් වර්ණදේහයක් රැගෙන යන ශුක්රාණු ගැහැණු ළමයෙකු හා ශුක්රාණුවක් වයි වර්ණදේහයක් ගෙන යන පිරිමි ළමයෙකු කරයි.
කෙසේ වෙතත්, අධ්යයනවලින් හෙළි වී ඇත්තේ එය සෑම විටම ශුක්රාණුවල X සහ Y වර්ණදේහ 50/50 ක් බෙදා හැරීමක් නොවන බවකි.
